Претседателот на Бугарија Румен Радев, имал видеоконференциски разговор со претседателот на Европскиот парламент Давид Сасоли. Како што јави дописникот на МИА од Софија, разговорот бил инициран од претседателот на Европарламентот.

Двајцата соговорници се осврнале на мерките за справување со пандемијата на корона вирусот, како и за теми кои се на дневен ред на Европската Унија, со фокус на политиката на проширување.

Бугарскиот претседател истакнал дека неговата земја принципиелно и доследно ја поддржува европската интеграција на Република Македонија.

Радев посочил и дека Бугарија очекува одржливи резултати во процесот на градење добрососедски односи и во тој поглед е најважен директен и отворен дијалог меѓу двете најблиски земји на Балканот за да се постигне вистински напредок.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.