Собранието денеска треба да го одржи продолжението на 30-тата седница на која меѓу точките на дневен ред е и интерпелацијата за работата на заменик претседателот на Владата задолжен за европски прашања Никола Димитров. Интерпелацијата на вицепремиерот Димитров е поднесена од група пратеници од опозицијата.

Пред пратениците на оваа седница се Предлог измените на Законот за еднакви можности на жените и мажите, Предлог-измените на Законот за употреба на знаковниот јазик, Предлог на закон за изменување и дополнување на Законот за задолжително капитално финансирано пензиско осигурување, Предлог на закон за изменување и дополнување на Законот за доброволно капитално финансирано пензиско осигурување, Предлог на закон за изменување и дополнување на Законот за заштита од вознемирување на работно место, како и Предлог на закон за изменување на Законот за практиканство, сите по скратена постапка.

По скратена постапка на оваа седница се и Предлог измените на Законот за волонтерството, Законот за исплата на пензии и пензиски надоместоци од капитално финансирано пензиско осигурување, Законот за вработување на инвалидни лица, Законот за вработувањето и осигурување во случај на невработеност, како и Предлог законот за отпис на камати и репрограмирање на долгови и трошоци на јавни претпријатија.

На седницата се ставени и повеќе законски решенија во прво читање.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.