Премиерот во заминување Зоран Заев денеска апелираше да има соработка и меѓусебна почит на сите чинители во правосудните постапки, притоа порачувајќи дека и одбраната и обвинителството како странки во постапката се подеднакви пред судот.

Одговарајќи на новинарски прашања за актуелните случувања во правосудството, Заев повтори дека она што го очекува се ефикасни и транспаретни постапки.

 Граѓаните сакаат резултати. Кога има нетрпение меѓу судот и обвинителството, тоа граѓаните непријатно го доживуваат и затоа реагираат. Апелирам да има соработка. Подеднакво пред судот како странки во постапката се и одбраната и обвинителството. Треба да се знаат истанците кој како е поставен во општеството, но секако да се има и меѓусебна почит за работата на секој од чинителите во правосудните постапки, порача Заев по средбата со претставници на Европската конфедерација на сидникати и на ССМ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.