Портпаролката на Европската Комисија задолжена за проширувањето, Ана Писонеро нагласи дека доставувањето на вакцини за земјите од Западниот Балкан од страна на ЕУ се доказ дека иднината на регионот е во Европската Унија, јави дописничката на МИА од Брисел.

На денешниот редовен брифинг за новинари во Брисел, Писонеро нагласи дека испораката на првите вакцини за Западниот Балкан од ЕУ со помош на Австрија, кои почнуваат да пристигнуваат денеска во регионот се јасна поддршка од Унијата, заедно со финансиската помош од 3,3 милијарди евра за економското заздравување на западнобалканските земји.

Над 650 илјади вакцини ќе бидат распределени за сите земји од Западниот Балкан, од кои 199 илјади за  Македонија. Распределбата на вакцини се прави според потребите на секоја од државите, а дозите се наменети за здравствените работници и најранливите групи, потсети портапролката на Еврокомисијата.

– Ова е јасна порака дека се грижиме за регионот и дека неговата иднина се наоѓа во Европската Унија, потенцира Писонеро.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.