Дозволете да Ви презентирам уште еден од приоритетните проекти од нашата програма за кој се обврзуваме дека ќе го реализираме, а тоа е регулација на речното корито на Виничка река, истакна денеска на прес конференција, Миле Петков, кандидат за градоначалник на Виница од редовите на ВМРО-ДПМНЕ.

Реализацијата на овој проект ќе значи многу за граѓаните во овој дел од градот, но исто така Виничани ќе добијат ново место за рекреација.

Овој проект го предвидуваме во три фази:

1. Фаза – на потегот од мостот кај градскиот парк до новата локација за автобуска станица.
2. Фаза – на потегот од мостот кај Месната заедница до Горна чешма.
3. Фаза – на потегот од Горна чешма до м.в. Ширината.

Веднаш ќе пристапиме и со изработка на Детален урбанистички план за м.в. Ширина каде во иднина предвидуваме нов градски парк што ќе биде целина со веќе постоечкото излетничко место Свет крст.

Со проектот предвидуваме:

• Уредување на речното корито, а на месноста Ширина изградба на мини акумулација, која летниот период ќе се користи за наводнување на паркот, а за време на верскиот празник Водици место за положување на Светиот крст.
• Озеленување и пошумување на просторот од реката до Светиот Крст.
• Пешачка патека
• Клупи за одмор
• Летниковци за пикник
• Изградба на мал отворен амфитеатар.
• Детски парк со реквизити.

Почитувани,

Секој еден проект од изборната програма е добро осмислен, реален и е резултат на вашите идеи, потреби и барања.

Затоа на 17-ти октомври ја бараме вашата поддршка за промени, проекти, победи.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.