Лидерот на ВМРО ДМПМЕ Христијан Мицкоски, во емисијата „Отворено“ на ТВ Алфа кажа дека претседателскиот кандидат на СДСМ, Стево Пендаровски, самиот признал дека не е консензуален кандидат туку дека е кандидат за спас на кариерата на партискиот лидер Зоран Заев.

– Навистина сум збунет дали е консензуален или не е консензуален кандидат, господинот Пендаровски затоа што вчера го слушав на едно интервју малку делуваше како да не е во сопствената кожа и кажува те бил те не бил, те ги почитувал одлуките те не ги почитувал одлуките на СДСМ и така натаму па од кога имаше малку непријатни прашања видовме дека практично е збунет и конфузен односно не знае дали е консензуален или не е консензуален. Но она што е важно е суштината е дека не само што не е консензуален кандидат туку тој е кандидат за спас на политичката кариера на Зоран Заев и аминување на заевизмот, истакна Мицкоски.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.