Слоганот на кампањата за кандидатот за претседател со број 3 Стево Пендаровски ќе биде „Заедно напред“, објави порталот 24 инфо.

На вечерашната проширена средба на Централниот изборен штаб на СДСМ, на кој присуствувале сите министри, градоначалници и локални функционери Заев побарал од сите функционери на партијата кристално чисти избори и индивидуален ангажман од секој одделно, посветување на кампањата и на решавање на проблемите на луѓето.

Порталот дознава дека тој го обзнанил слоганот на кампањата на Стево Пендаровски, „Заедно напред“, кој е во духот на „заедништвото, солидарноста и меѓусебното помагање“,

Слоганот ја одразува суштината на Програмата на Стево Пендаровски, која се темели на  заедништво, на обединување на граѓаните и на забрзан развој на земјата на патот кон НАТО и ЕУ.

ЗАЕДНО и НАПРЕД е суштината  и на  досегашното работење на Стево Пендаровски и претставува континиутет на неговата  општествено-политичка присутност и ангажираност.

Пендаровски ќе ја започне кампањата со централен митинг од Прилеп во 20.00 часот, дознава 24инфо.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.