Лидерот на ВМРО-ДПМНЕ Христијан Мицкоски вчера го одржа еден од најобединувачките говори. Ниту збор напад кон своите политички ривали, но тоа точно посочување на решенијата и проблемите со кои се соочува Македонија.

Во она што го нарекува втора епоха на партијата, Мицкоски побара  општествена мобилизација од страна на секој поединец и подавање рака за преродба на државата, обнова и промени  кои ќе ја донесат новата иднина.

Тој додава дека заедничкиот патриотизам не е само празна флоскула туку филозофија врз кој почива оваа втора епоха.

Мицкоски во својот говор за првпат го истакна терминот „заеднички патриотизам“.

То објани дека  заедничкиот патриотизам е подавање на рака едни со други во име на напредок кој заеднички го сакаме и оти ВМРО-ДПМНЕ се отвора кон сите Албанци, Турци, Роми, Срби, Власи, Бошњаци и нуди соработка за подобар живот.

Заедничкиот патриотизам значи создавање на имунитет кон секој обид на манипулација на власта кон етничките прашања кои нè разединуваат. Видовме дека нема ваши и наши, дека сите ние сме под истиот покрив кој подеднакво прокиснува за сите, кому му треба поправка и силно реновирање за да го вратиме сјајот и да биде подеднакво заеднички. Заедничкиот патриотизам од тој нов договор да ги градиме училиштата во Битола и Тетово, подеднакво како во скопско Ѓорче и скопски Чаир. Заедничкиот патриотизам од тој нов договор е да си ги вратиме децата кои поради истите причини ни се распослаа низ светот и сега ги затворија куќите-нагласи Мицкоски.

Јасно е дека Мицкоски сака во следниот период кога ВМРО-ДПМНЕ сигурно ќе дојде на власт да обезбеди иднина на сите граѓани на Македонија без разлика на етничката и верската припадност бидејќи само така државата може да напредува и политички и економски.

Неколку клучни цели

Мицкоски посочи дека се дефинирани неколку цели, како ниски даноци, сузбивање на криминалот, влез во ЕУ, заштита на националните интереси.

Како најважна цел во поглед на економијата е  намалување на персоналниот данок и на данокот на добивка на 8% а пак персоналниот данок за млади луѓе да биде 0%.

Се залага и за намалување на невработеноста и таа да стане едноцифрена. И секако она што е наша најголема рана тоа е корупцијата. Тој најави   отворена војна против корупцијата и наместо сегашното 111то место на листата на Транспаренси да влеземе во првите 50 држави што се борат против корупција со објективни резултати од корист за нашите граѓани.

Она што е најважно е што Мицкоски успеа да го обедини ВМРО-ДПМНЕ како никогаш досега. Силно ВМРО-ДПМНЕ и е потребно на Македонија да се врати на вистинските вредности каде што евроинтеграцијата нема да биде само обичен збор за прикривање на неспособноста туку наша реалност.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.