Нова аудио бомба објавена на твитер, преку јутјуб канал, каде се пишува дека е гласот на адвокатот Васил Димишков, брат на судијката Весна Димишкова која важи за многу блиска до Зоран Заев, како бара 6 милиони евра за бизнисмен да биде пуштен на слобода.

Дајте 6 милиони еврa и ќе ја завршиме работа, вели Васил Димишков.

Васил Димишков во разговорот со непознато лице вели дека ќе проба да ја намали сумата иако таа е голема.

Тие ми рекоа (Вице Заев директно и Зоран Заев) ама јас треба уште еднаш да разговарам, ќе им ја намалам нешто тие многу забегаа не очекував толку многу да побараат.

Коментарите на социјалните мрежи се дека ова е нова аудио бомба за мафијата.

Ова аудио бомба се поклопува со сведочењето на Ана Камчева во случајот Рекет каде посочи уште тогаш дека Камчев бил рекетиран за 6 милиони евра од Димишков.

Таа рече дека Димишков знаел дека за нејзиниот сопруг ќе има кривичен прогон и дека треба да соработува со него, бидејќи, ќе помине полесно.

Ми рече дека сестра му Весна Димишкова е во блиски односи со обвинителката Лиле Стефанова…, кажа сопругата на Камчев. За слободата на Камчев, требало да исплатат 2, 4 или 6 милиони евра зависно од ситуацијата. Рече дека сумата е голема зашто предметот е специфичен и треба со таа сума да се пензионира сестра му. Бев вознемирена и плачев, но и изненадена што не ја знаеше крајната цена за “Рекет”, кажа Камчева.

Весна Димишкова е и судијката која го замрзна имотот на ВМРО-ДПМНЕ, очигледно одработена политичка нарачка. Ова аудио бомба доаѓа ден по признанието на Бојан Јовановски осуден за случајот „Рекет“ дека парите завршиле кај Зоран и Вице Заеви.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.