Од 1.000 пати пеење на химната, ова ми е прв и последен пат да ја погрешам, рече Нина Јанева Николовски, која вчера за време на протестот на уставобранителите ја згреши македонската химна.

Ретко кој знае дека Ченто ми е најдобар другар. Ги видов неговите родители во втор ред и борбата беше фокус меѓу текстот и солзите… Патем, прв и последен пат грешам химна во животот, ама емоцијата е посилна од сѐ. Фала на поддршката на сите, сите коментари држат вода и се оправдани. Темата е многу чувствителна и оправдување нема! Човек од месо и крв, напиша Нина Јанева Николовски, како објаснување за пропустот кој наиде наостри критики кон неа на социјалните мрежи.

Таа ја испушти втората строфа во која се пее за македонските револуционери и направи сличен пропуст како што направи пејачката Тамара Тодевска која ја згреши химната пеејќи на прием во Американската амбасада во Скопје по повод 4 Јули.

Два дена плачам од разочараност од себеси. Не знам што да кажам, оправдан е револтот од народот, но добивам огромна поддршка од целата дијаспора – рекла пејачката за Женски магазин.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.