Денешната изјава на Заев со повторен обид за одлагање на изборите е уште еден доказ дека знае дека народот не го сака и ќе биде убедливо поразен, вели Александар Николоски во реакција на изјавата на Зоран Заев по сведочењето за „Монструм“, дека доколку не се донесе Законот за ЈО, тогаш нема да има распишување на избори.

Заев: Ако некој го минира Законот за ЈО, тогаш нема избори

Кога Заев виде дека не може да му помине закон за јавно обвинителство за да се спаси од одговорност сега се обидува да одложи избори. Со една реченица власта на Заев му треба за да избегне одговорност за криминалот и корупцијата. Фактите говорат дека цело време бега од избори, прво беше протоколот за членство во НАТО, па некаква група закони која 3 години не ја донесе и баш сега му текна да ги носи, па го оспоруваше изборот на Министер во МВР, сега ова со Законот за ЈО со кој бара да се направи модел во кој тој ќе биде амнестиран од одговорност за криминал, вели Николоски.

Додава дека и да помине ова ќе измисли нешто друго.

Едноставно е Заев бега од избори зашто знае дека ќе биде поразен, а потоа следува одговорност и за предавствата и за криминалот. За ова денес ќе ги информирам челниците на ЕУ и Европската Народна Партија во Брисел. Мора да се почитуваат договорите. Тоа е демократија, се друго е диктатура. Избори на 12ти април мора да има и ќе има!, порача Николоски.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.