Мизогини и сексистички коментари, кои не доликуваат во никој случај, а посебно кога доаѓаат од уста на функционер и човек платен од народот, деновиве диригирано се насочени кон кандидатката за градоначалник на Град Скопје Данела Арсовска. Меѓу оние најгнасните се „шеговитите“ коментари од омиелниот директор на Петре Шилегов, оној на скопската зоолошка, Ѓорѓи Галетановски – Чомбе, кој на „Фејсбук“ одново шири говор на омраза.

За оваа и сличните навреди од таборот на СДСМ, каде нервозата пред очекуваниот пораз на локалните избори очигледно избива преку вакви ниски и очајни потези, остро реагираше и пратеничката Гордана Силјановска Давкова која му упати јавно прашање на премиерот Зоран Заев:

Отворено пратеничко прашање до премиерот
Ве прашувам како ЖЕНА, пратеничка и претседателка на Комисијата за еднаквост на жените и мажите.
Во сите извештаи на Конгресот на локални и регионални власти за имплементација на Европската повелба за локална самоуправа во Република Македонија, вклучувајќи го и последниот (од годинава), СО ПРАВО се критикува малиот број жени – кандидатки за градоначалнички, а особено минорниот број избрани градоначалнички: само 6 во 2017 година!
Вие често се декларирате како „ феминист“, па од Вас очекувам да ги стимулирате жените за учество на локалните избори. Ама…
Ќе се одважите ли да реагирате на поплавата од примитивни, патријахални, парохијални, шовинистички, мачоистички, сексистички, мизогини напади врз независната кандидатка за градоначалничка Данела Арсовска од ваши фрустрирани приврзеници, па дури и СОВЕТНИЦИ, или ќе ги толерирате, охрабрувајќи го недоличниот говор и кон другите кандидатки?
Ќе го разрешите ли МАШКИ советникот за инвестиции Николовски заради мизогиниот говор кон Данела, или ќе продолжите да го спонзорирате со 40.000 народни, што значи и ЖЕНСКИ пари? Има ли посрамна инвестиција од онаа во говор на омраза, Ве прашувам, порача Силјановска Давкова.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.