Градоначалникот на општина Ѓорче Петров, Александар Наумоски, годинава ќе зема повисока плата, а планирани се и нови вработувања во општината во време кога владејачките структури ветуваат намалување на бројот на администрацијата, објавува „Макфакс“.

Според буџетот што го изгласал Советот на општината, платата на Наумоски ќе му биде повисока 4.100 денари и ќе изнесува 65.000 денари, без пресметани давачки за пензиско и здравствено осигурување. Вклучително со овие давачки, на годишно ниво произлегува дека од буџетот на Општината ќе се одвојуваат 1,5 милион денари за градоначалничката плата.

Тој на располагање ќе има и 1 милион денари за репрезентација, односно за јадење, пиење и за претставување на Општината. Во буџетот повисоки суми се одвоени и за плати, односно ако лани биле одвоени 17.370.000 денари, за годинава испланирани се 20.823.000 денари.

Повеќе на оваа тема, прочитајте на „Макфакс“



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.