За една недела односно за периодот од 29 март до 4 април во земјава се регистрирани вкупно 7.933 заразени со Ковид-19 од 35 градови, а починале 260 болни, покажува неделната анализа на Инстиутот за јавно здравје.

Во овие седум дена регистрирани се најмногу заразени и најмногу починати, односно се заразиле 6,9 отсто повеќе луѓе во однос на претходната недела, а починале за 27,5 отсто повеќе пациенти во однос на минатата недела. Од починатите, 215 лицa биле над 60 години, 27 лица на возраст од 50-59 години, 13 лица од возрасната група од 40-49 години, 4 лица од 30-39 години и едно лице од 20-29 години.

Најмногу заболени од Ковид-19 има кај лицата на возраст од над 60 години, но голем број на заболени се регистрира и кај лицата во возрасните групи од 50 до 59 години, 30-39, 40-49 и 20-29 години. Најмал број е регистриран кај децата до девет години, но најголемо процентуално зголемување во однос на претходната недела е забележано кај децата односно тинејџерите од 10 до 19 години за 17,6 проценти.

Во последните два дена, кои не се дел од оваа статистика починаа 82 заразени со корона.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.