Надвор од памет е да се напише дека Зоран Заев ги брани интересите на Македонија, сметаат од ВМРО ДПМНЕ, реагирајќи на соопштението на СДСМ.

Центарот за комуникации на СДСМ е одлепен од реалноста, се повеќе пишува бајки во кои ни децата не веруваат. Центарот за комуникации на СДСМ бесполезно го брани Зоран Заев. Сите криминали на Заев и неговите во власта граѓаните ги гледаат. Надвор од памет е да се напише дека Зоран Заев ги брани интересите на Македонија, велат од ВМРО ДПМНЕ.

За кои интереси пишува Центарот за комуникации на СДСМ, прашуваат од најголемата опозициска партија.

Токму нивниот шеф Зоран Заев го потпиша Преспанскиот договор и го смени името на државата и покрај тоа што граѓаните беа против промената на името. Градоначалниците на Заев ја избрусија вергината по општините и забранија да се користи знамето кое од значење на Македонците.

Токму нивниот шеф Зоран Заев го потпиша штетниот договор за добрососедство со Бугарија, па денес истата таа држава ни бара да ги менуваме учебниците по историја, и македонскиот јазик го негираат.

Зоран Заев токму стои зад акредитацијата на универзитетот од Велико Трново „Свети Свети Кирил и Методиј“. Со ова не само што се кршат закони во Македонија туку и директно се погазува достоинството на нашиот најстар универзитет, велат од ВМРО ДПМНЕ.

ВМРО-ДПМНЕ јавно го прашува Заев дали би дозволиле во Софија да се отвори филијала на битолскиот универзитет кој што се вика „Свети Климент Охридски“ и го носи истото име како најголемиот универзитет во Бугарија.

Националните интереси на Македонија Зоран Заев ги поткопа откако стана премиер. За тоа одговорност ќе има, се вели во соопштението на ВМРО ДПМНЕ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.