Според последните информации, повеќе од 30 илјади картички им се поделени на српските државјани кои транзитираат низ земјава за да можат бесплатно да ги поминат патарините на пат кон Грција.

Министерот за внатрешни работи, Оливер Сасовски, нагласи дека издавањето картички за патарини беше владина одлука како знак на благодарност за она што го направи Владата на Србија за вакцинација на македонските граѓани.

На новинарско прашање во однос на системот „One stop shop“, Спасовски посочи дека според најавите овој систем ќе се унапредува, бидејќи договорот предвидува контрола и на македонската и на српската полиција

Се прават анализи за да може да се воспостави правна рамка за да има само една контрола на излез и на влез. Во оваа прва фаза има подобрување, но не е она што можеме до крај да го очекуваме, затоа сме со постојана комуникација со МВР на Србија за да можеме овие би рекол негативности што се појавуваат да ги отстраниме и да имаме подобар проток на лица и на стоки генерално – изјави министерот Спасовски.

Спасовски информира дека за ваков проект се разговара и со другите држави од опкружувањето, со цел да може во рамки на овој регион да има подобро движење.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.