МНР испратило известувања до сите држави за продолжениот рок на пасошите чиј рок на
важење е истечен (односно кој истекува по 31 јули 2020 година), но и покрај тоа дел од
државите не прифаќаат овие патни исправи да ги сметаат за валидни.

Поради двоумењето кај граѓаните, кои не се сигурни дали е паметно да патуваат со вакви документи, „А1он“ побарале одговор од МНР.

За жал, и покрај сите напори што Министерството за надворешни работи постојано ги вложува, сепак има држави што потешко се адаптираат на овие промени и ваквите исправи не ги третираат во целост соодветно со измените на законот. Затоа, ги информираме сите граѓани дека најсигурниот начин за патување во  странство е со патна исправа на која не ѝ е истечен рокот на важење – се наведува во одговорот од МНР.

Од Министерството не објасуваат кои се земјите што не ги прифатиле нашите законски измени, но ги повикуваат сите граѓани што живеат на територијата на Република Македонија да се  обратат навремено до Министерство за внатрешни работи како единствена надлежна  институција за издавање патни исправи во земјата и да побараат навремено издавање  соодветни патни исправи како единствен сигурен начин за патување во странство.

Претходно, од МВР соопштија дека граѓаните чии патни документи се истечениили ќе истечат по 31 јули 2020 година, ќе можат да ги користат истите до 31 декември 2021 година.

Пасошите чиј рок истекува по 31 јули 2020 ќе важат до крајот на годинава



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.