Порталот Минарепорт јавува дека Зоран Заев и Али Ахмети се блиску до договор да го номинираат Оливер Спасовски за нивни консензуален кандидат на претстојните претседателски избори.

Според владини извори, вечерва имаше состанок меѓу Заев и Ахмети. Главна тема на разговорите е заедничкиот претседателски кандидат, при што Заев инсистирал тоа да биде неговиот човек од доверба Оливер Спасовски. Ахмети немал ништо против Спасовски, но сепак имал одредени предуслови кои треба да се исполнат за да може да му каже на партиското членство во Мала Речица да гласа за него. Главниот услов на Ахмети бил да се има цврст договор дека, доколку претседателски кандидат во 2019 е Спасовски, тогаш на изборите во 2024 кандидатот мора да биде Албанец, и СДСМ да мора да застане за д него. Според нашите извори Заев се согласил со Ахмети, но сепак побарал време да се консултира со раководството на СДСМ. Вториот услов на Ахмети бил, ако Спасовски биде избран за претседател, позициите министер за одбрана и началник на Генералштабот да ги држат Албанци, пишува Минарепорт.

Според порталот, Ахмети побарал идниот претседател воедно да го именува Фатмир Бесими како нов гувернер на Народната банка на Македонија.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.