На денешната прес-конференција Антонио Милошоски уште еднаш повика МВР и Обвинителството за борба против организиран криминал да почнат да го вештачат телефонот на Зоран Заев, кој што го користел во периодот кога имал интензивни средби со Боки 13, врз основа на исказите кои што се добиваат од случајот „Рекет“ во судницата, а без разлика до каде стигнале со вештачењето на телефоните на Боки 13 и Зоки Кичеец.

Имено изјавата дека Зоран Заев во 1ТВ телевизијата за чие што нелегално финансирање знаел и соучествувал според досега добиените снимки на 3-ти април 2019 година го предупредил првообвинетиот Боки 13 дека го следат странски служби и обвинители. Тоа значи дека сакал да го прикрие делото, во кое што најверојатно Зоран Заев бил главата на оваа рекетарска шема, рече Милошоски.

Сметаме, додаде, дека господинот Зоран Заев конечно треба да се врати таму од каде што почна пред да биде премиер, а тоа е во судските клупи, за да може, како што вели Милошоски, да го даде својот скромен придонес во разоткривањето во шемата за рекетирање на отприлика 20 милиони евра од повеќе стопанственици во Република Македонија.

Втората работа што исто така зачудува е тоа што господинот Зоран Заев доколку навистина го пријавил случајот за кој што нема записник во обвинителството на 22-ри април, прашање е зошто молчел од 3-ти април кога го предупредил Боки 13 до 22 април. Тоа отвора дилеми, дека Зоран Заев не само што бил глава на рекетарската шема, туку бил и главниот бранител за тоа како од него ангажираните рекетари да ја менаџира штетата и да гледа да ги заштити во рамките на неговото влијание во обвинителството и судството, рече Милошоски.

Уште еднаш повтори дека ВМРО-ДМНЕ бара Наќе Чулев и Вилма Русковска да почнат да го вештачат телефонот и комуникациите на господинот Зоран Заев од периодот март, април и мај 2019 година.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.