Претседателот на ВМРО-ДПМНЕ Христијан Мицкоски, придружуван од Меѓународниот секретар Тимчо Муцунски, денес оствари проштална средба со Дан Оријан – нерезидентен Амбасадор на Израел во Македонија.

Мицкоски и Оријан разговараа за потребата од дополнително подобрување на билатералните односи помеѓу двете земји преку конкретни проекти. Истовремено, Мицкоски се заблагодари за поддршката што ја дава Израел на Македонија од својата независност.

Мицкоски го информираше Оријан за внатрешно политичката состојба во Македонија, нагласувајќи дека недостатокот на соодветна борба против корупцијата е една од клучните причини поради кои Македонија не привлекува доволно странски директни инвестиции. Во таа насока Мицкоски ја истакна заложбата на ВМРО-ДПМНЕ за создавање на добро деловно окружување преку систематски реформи.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.