Никој во оваа држава не смета дека криминалот и рекет од 8 милиони евра е можен од само двајца, до тројца луѓе особено ако се знае дека цел државен врв беше во организацијата на Бојан Јовановски, посочи денеска претседателот на ВМРО-ДПМНЕ Христијан Мицкоски, кој на денешната прес-конференција наведе неколку примери на афери каде се запоставуваат главните прашања, а од Обвинителството нема никаква реакција.
Започнувам од првата афера, а тоа е аферата Рекет 1.

Но, нив ги нема на обвинителната клупа. Воедно, нема никаква постапка и не се испитува улогата на поранешниот генерален секретар Кирацовски кој беше споменуван во овој случај, а постојано се плетка истрага против Ременски, која за разлика од сите останатите има вип влез и излез од обвинителството. Освен ова, како што пренесоа дел од медиумите, во исказите на сега веќе осудениот за „Рекет“, наводно се говори дека прецизно е посочено дека Бојан Јовановски станал посебно нервозен откако добил информација од владата дека е пријавен од страна на бизнисменот, од страна на лицето кое што е веќе осудено за случајот „Рекет“. Тоа потврдува дека владата, и тоа од највисокиот врв биле во тесна комуникација со првообвинетиот Јовановски. Кој е тој кој може да даде таква информација?, прашува Мицкоски.

Мицкоски потсети и на сведочењето на Бојан Јовановски којшто велеше дека доколку се прегледаат камерите од видеонадзорот од неговата куќа јасно ќе се види кое е лицето кое ја изнесува торбата од неговиот семеен дом.

Понатаму, медиумите пренесоа дека во истрагата се споменува и дејствие со кое првоосомничениот сакал да издејствува од одредени кругови финансиски средства со цел да биде ставено одредено лице за прв човек на голема компанија каде државата има удел. Таква постапка е само возможна доколку некој од Владата вети дека ќе помогне за такво именување. Ова само отвора сомнеж дека грбот на Бојан Јовановски се наоѓа во зградата на „Илинденска“. Каде е Зоран Заев во овој случај да даде исказ и дали воошто се зборува за овој случај?, прашува Мицкоски.

Уште едно неодговорено прашање, додава Мицкоски, е зашто првиот човек на македонското здравство Венко Филипче договарал партнерство за болници со шоумен како Бојан Јовановски во неговиот дом, и што барала и што договарала министерка од владата во домот на Бојан Јовановски по покренување на официјалната истрага.

Обвинителството молчи за рекетиран угостител од Охрид, за луѓе од Битолско на кое им биле нудени бизнис понуди, меѓу другото од посредници од власта, посочува Мицкоски.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.