Во вечерашното издание на дебатната емисија на ТВ Клан, гостуваше претседателот на ВМРО-ДПМНЕ Христијан Мицкоски, кој зборуваше за актуелните политички теми, како и за моменталната здравствена ситуација во државата и Ковид пандемијата.

Владата на многу начини пробуваше да замачка очи на граѓаните и да им укаже на тоа дека се е во ред, па дури и дека ситуацијата е тотално под контрола и дека Македонија е една од земјите кои најдобро се справуваат со Ковид пандемијата. Во тие моменти пари, кои беа позајмени, наместо да се искористат за реални потреби и за стабилизирање на здравствената и економската ситуација во државата, Владата делеше субвенции и нафта на одредена категорија на граѓани, од кои за возврат доби наместени аплаузи за да се прикрие неработата и безидејноста – вели Мицкоски.

Тој потсети дека и тогаш предупредуваше дека не се потребни ПР лаги и манипулации, туку е потребна целосна посветеност најпрво на решавање на здравствената криза, а потоа и на економската.

Не е важен ниту Христијан, ниту ВМРО-ДПМНЕ, ниту дали се предложените мерки наши или ваши, туку се работи за човечки животи. Не смее да си игра со тоа никој, најмалку политичарите. Потребно е сплотување во овие моменти, да помогнеме каде што е најпотребно и да си го спасиме народот од оваа пандемија, а не да Владата да се занимава секој нов ден што да и смести на опозицијата, само за да ја задскрие неспособност – истакна Мицкоски.

Лидерот на ВМРО-ДПМНЕ вели дека решението на проблемот со здравствената криза не се крие во прес конференциите на Филипче со тивок и смирен тон, туку во лоцирање на изворот на проблемот и во работа на суштинско решавање на здравствената криза.

Политиката ќе се води и понатака во годините што следат, секоја политичка партија ќе се прикажува пред граѓаните, но сега не е момент за ПР манипулации, туку за сериозно зафаќање со проблемите, бидејќи неработата и некадарноста, за жал резултираат со огромен број новозаразени и за жал починати луѓе – заврши Мицкоски.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.