Претседателот на ВМРО-ДПМНЕ, Христијан Мицкоски, испрати честитка по повод 23 мај – Нацвионалниот ден на Власите.

На сите припадници на влашката етничка заедница, во име на ВМРО-ДПМНЕ и во свое лично име, Ви го честитам 23 Мај – Националниот ден на Власите и ви посакувам добро здравје, многу љубов и многу среќа во Вашите семејства.

 

Овој ден е значаен за Влашката заедница бидејќи ја одбележува влашката култура и традиција, слогата и соживотот граден со децении наназад на територијата на Македонија.

 

Власите во Република Македонија секогаш давале придонес во заедничкиот развој и во трасирањето на заедничката иднина.

 

Се надевам дека тешките мигови кои ги наметна оваа ненародна власт во време на економска неизвесност, здравствена криза и несигурност ќе поминат. Подобри денови ќе дојдат кога оваа ненародна и неодговорна власт што поскоро си замине.

 

Сакам да изразам надеж дека и во иднина заеднички ќе продолжиме да ја градиме нашата држава, да создаваме иднина за следните генерации.

 

Нека Ви е честит и за многу години 23 Мај – Националниот ден на Власите! – се наведува во честитката на Мицкоски.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.