Градоначалникот на Струга Рамиз Мерко е избран за претседател на новиот состав на Советот за развој на Југозападниот плански регион на првата конститутивна седница.

Очекувам континуитет во регионалниот развој, и поголема поддршка во реализацијата на проекти што ќе придонесат за намалувањето на диспаритетите меѓу регионите во државата, како и во нивните рамки, рече тој.

Од околу 126 милиони денари, средства што се планирани да се реализираат во следната година преку Центарот за развој на Југозападниот плански регион, се очекува околу 115 милиони да бидат пласирани во деветте општини, со цел да се подобрат условите за живот.

Поголемиот дел од средствата се обезбедени националниот буџет, преку Бирото за регионален развој и другите линиски министерства, а останатите се од донаторската заедница.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.