31-годишната пациентка од Гостивар која почина на Инфективната клиника во Скопје како заразена од Ковид 19 е трудница која на 26-ти мај е потврдена како позитивна и била итно оперирана од гинеколози пред да биде сместена на Инфективна.

Во гинеколошка итна операција на 26-ти мај, пациентката е оперирана и е изваден мртов плод.

Веднаш била префрлена на инфективната клиника каде била под надзор на гинеколози, епидемиолози, трансфузиолози и на инфектолози.

ДЗСИ секојдневно го следеше лекувањето на трудницата и од аспект на нашите овластувања нема никакви забелешки за лекарските интервенции односно на пациентката и се дадени сите терапии и соодветна нега – изјави др Иринка Бухова Сотирова, директор на ДЗСИ.

Пациентката од гостиварско е втора бремена жена која по породување односно по гинеколошка интервенција починала од последици на КОВИД 19. Претходно 26-годишна жена од Куманово се породи, а потоа почина на инфективна клиника.

Денеска Министерството за здравство соопшти дека во последното деноноќие од корона починале 8 пациенти, а се регистрирани рекордни 196 новозаболени.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.