Преспанскиот договор е јасен и недвосмислен, нашето уставно име е Република Македонија, меѓутоа со договорот ние имаме недвосмислено правото на користење на кодовите МКД и МК. Ние целосно сме се обврзале и стоиме на доследно спроведување на договорот, вели министерот за правда Бојан Маричиќ.

Коментирајќи ја реакцијата на Грција за кодовите што се употребуваат на Европското фудбалско првенство, Маричиќ вечерва во емисијата „Само вистина“ на Канал 5 телевизија, потенцира дека позициите на Владата се во согласност со Преспанскиот договор.

Недвосмислено е нашето право да ги користиме кодовите МКД и МК, инаку да не било така сигурно немало да дозволи УЕФА како организатор на Европското првенство да се користат, рече меѓу другото Маричиќ.

Тој додаде дека во овие моменти е потребна помалку политика, а повеќе спорт и дека Владата, државата и федерацијата нема да прават намерни провокации во политички контекст.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.