Македонија останува на врвот во Европа по бројот на смртни случаи како последица на коронавирусот. Според последната статистика од вчера само во Велика Британија има поголем број на починати лица на еден милион жители. Во 68-милионското Обединето Кралство вчера починале 176 лица што е нешто помалку од 3 жртви на еден милион жители.

Во Македонија вчера се регистрирани 4 смртни случаи или 2 на милион жители.

Во цела Европа вчера 25 држави пријавиле вкупно 547 починати поради компликации од Ковид-19. Речиси половина од нив или 216 смртни случаи пријавила Русија.

Вчера во Македонија беа регистрирани 120 случаи на коронавирус, а 123 лица се оздравени.

Денес според неофицијални информации бројката на новозаразени повторно ќе биде трицифрена.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.