Кочо Андоновски програмскиот директор на ЛГБТИ Центарот за поддршка одговори на критиките на градоначалникот на Куманово, Максим Димитриевски кои излегоа откако Венко Филипче соопшти дека Фондот за здравствено осигурувње ќе ги покрива трошоците за оперативен зафат при промена на полот.

Димитриевски вчера на својот Фејсбук профил напиша:

Прави со сопствениот живот што сакаш, сакај и менувај пол, лична одлука, но не на државна а уште помалку на моја сметка!
Да се разбереме, не сум против лични слободи и права, маргинализирани групи и.т.н. ги почитувам и уважувам сите, но ова е веќе навредливо.
Во претставничката демократија законот е воља на мнозинството (ГРАЃАНИ), не лична желба на поединци!.

На ова Кочо Андоновски денеска му врати:

Монструозна е дехуманизацијата на транс луѓето која ја направивте вчера! едвај чекавте нешто за да го изблуете отровот, омразата, себичноста и нечовечноста!

А на „навредениот“ градоначалникот само ќе му кажам дека со парите кои ние ги плативме за да се покријат долговите од недомаќинско работење на општина Куманово, 3,5 милиони евра, со зборови: ТРИ И ПОЛ МИЛИОНИ ЕВРА! ќе се покриваа операции во следните 100 години! а со парите што ги плативме за да покриеме долговите на сите општини – ќе се покриваа операции во следниот милениум!

ЈАС НЕ САКАМ ДА СЕ ПЛАЌААТ ДОЛГОВИТЕ НА ОПШТИНИТЕ СО МОИ ПАРИ, НЕ САМО ШТО Е НАВРЕДЛИВО, ТУКУ Е И КРИМИНАЛНО!, напиша Андоновски.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.