Власта е во паника, исто како и во првиот круг кога катастрофално изгуби, така и за вториот круг има ангажирано лица за поткуп на гласачите, предупреди на денешната прес-конференција Драган Ковачки од ИК на ВМРО-ДПМНЕ, додавајќи дека СДСМ сака да го ублажи поразот и затоа ангажира луѓе со криминално минато и функционери на државни позиции да делат поткуп, вршат притисоци и да се закануваат на граѓаните.

И Заев и Спасовски нека бидат свесни дека народот е освестен, надежта е родена, и никој нема да дозволи да му ја земете иднината, и да ја дадете на фирмите на Вице, Трајче, Бобан. Активисти и функционери на СДСМ се противат на криминалното работење на Заеви и од нив и ги добиваме овие информации, порача Ковачки.

Полковникот објави дека партијата има информации за сериозно разработен план за полнење на кутии во населени места во Сарај и населени места во Битола.

Денеска ќе ги објавиме информациите добиени од луѓе од СДСМ, кои не сакаат веќе да му слугуваат на хибридниот режим, и да работат за Вице, Трајче и Бобан Заев да прават фабрики за марихуана.

За Битола главен одговорен за поткуп, притисоци, закани и полнење на кутии е Васко К., за кој се сомневаме дека е директор на една голема државна фирма, директно подредени му се: Зоран П., Илче П., Даниел Џ., Сашо Н., Горан Ш., Петар П., Ујар К., Шевѓул М., Вангел Б., Александар Н., дел од овие лица се вработени и во МВР и класично ја злоупотребуваат службената положба и овластување. За сите нив ќе следи одговорност.

На територија на град Скопје поткупот се врши од неколку групи, група од Бутел за поткуп е предводена од Коста Н., кој најверојатно е директор на едно скопско јавно претпријатие, Владимир Н., Едмонд В., Сенад С., Марин Б., Ханза В., Горан Ж. Групата од Ѓорче Петров е составена од Сенат В., Мартин Т., Нешо К. Во Карпош групата е водена од Душко В., актуелен директор на јавно претпријатие и Јон Ф., висок функционер во друго државно претпријатие.

Во Кочани групата е водена од поранешни затвореници Столе Т., Александар С., Михаил П., Перо Г., за кој се сомневаме дека е полициски службеник. Сопругата на едно од осудуваните лица е и советник во Советот на Општина Кочани.

Во Гевгелија групата за поткуп, притисоци и закани е предводена од лице за кое се сомневаме дека работи во правосудните инстанци Јован Д., а со него работат и Владо Ј. и Ѓорѓе Т., објави Ковачки.

Тод додаде дека завршувањето на оваа прес-конференција, ќе поднесат и кривична пријава против злосторничката група составена од луѓе од МВР во Прилеп, за која објавивија и вибер комуникација за правење на сериозен криминал во изборниот процес.

Воедно сакам да упатам последен апел до сите извршители на Заев и Спасовски, вработени во МВР, и институциите, но и луѓе надвор од системот, а кои извршуваат нивни работи, да внимаваат што прават, зошто и после недела има ден и ќе се срамат од активностите во кои се приморани, но и да знаат дека одговорност ќе следува без разлика дали некој на тоа ги принудил. Извесна е победата на ВМРО-ДПМНЕ, не наседнувајте на Заев и Спасовски кои сакаат да ве втурнат во криминал, порача Ковачки.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.