Претседателот на СДСМ, Димитар Ковачевски и секретарот за меѓународна соработка на СДСМ, Бојан Маричиќ, остварија средба со делегација од ОБСЕ, предводена од шефот на Мисијата, амбасадорот Клеменс Која.

Ковачевски упати благодарност до Мисијата на ОБСЕ за својот придонес што го дава особено во делот на изборните процеси, изборната легислатива, како и во делот на унапредување на демократските вредности, владеењето на правото, работата на полицијата и унапредување на меѓуетничките односи.

ОБСЕ е важна меѓународна организација која со своето присуство и ангажман овде, дава значаен придонес во демократизацијата на целокупното наше општество. Важна е поддршката и посветеноста на ОБСЕ во делот на изборните и изборното законодавство – изјави Ковачевски.

Шефот на Мисијата на ОБСЕ, истакна дека ОБСЕ продолжува со силна посветеност да биде вклучен во процесите на реформи, помагајќи им на институциите постојано да ја унапредуваат нивната работа.

Осврнувајќи се претседавањето со ОБСЕ од страна на Република Македонија во 2023 година, Која потенцира дека Македонија треба да ја искористи следната година за што подобро да се подготви како земја претседавач и да даде позитивен пример на регионот и Европа со претседавањето со ОБСЕ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.