Наместо студии, завршил курс на Харвард, велат од ВМРО-ДПМНЕ за престижната диплома на новиот лидер на СДСМ Димитар Ковачевски. Опозициската партија обвинува дека Ковачевски ја „фризирал“ својата биографија.

Дали е точно дека Ковачевски курсот на Харвард го прикажувал како факултетска диплома? Ако е точно, тогаш направил класична лага и манипулација на јавноста, бидејќи ваквиот курс е скапо платена кратка едукација платена со неколку десетици илјади евра, со кој може да се стекне секој граѓанин со завршен факултет во земјава, само доколку има доволно пари за него за да може да плати и да го посетува, велат од опозициската партија.

За ВМРО-ДПМНЕ потегот Заев да го претстави „курсаџијата“ Ковачевски како дипломец на Харвард е само очај со кој тој се обидува да звучи уверливо.

Пионот Ковачевски од курсаџија стана главен адут на Заев. Тажно, но вистинито. Очигледно фарсата наречена нов лидер на СДСМ, добива нови димензии. Ковачевски е веројатно најдобриот пиун кој можел Заев да го одбере во СДСМ со цел да продолжи заевизмот и контролата на партијата како сопствена приватна фирма. Ништо во СДСМ  не се менува, заевизмот владее заедно со сиот криминален и коруптивен систем кој произлегува од него, сметаат од ВМРО-ДПМНЕ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.