Ковачевски е пиун и послушник на Заев и веќе тоа им е јасно на сите. Затоа го води за рака и го покажува како прваче, те во раководството на партијата, те во влада, те во странство. Очигледно Ковачевски е избран од менторот Заев како најдобар продолжувач на заевизмот. Пиунот Ковачевски ќе ја има улогата да ги продолжи штетните политики на Заев и да ги прикрива криминалите на својот шеф. Тоа најдобро го илустрира длабокиот и понизен поклон на Ковачевски пред Заев, велат во партиското соопштение од ВМРО-ДПМНЕ.

Друго од него не се очекува. Да знаел и да умеел нешто да направи добро за граѓаните ќе направел од позицијата во владата. Да размислувал поинаку од матрицата на Заев, барем еднаш ќе се побунеше за штетните и погубни политики кои ја донесоа Македонија на колена. Но пиунот Ковачевски одбрал да молчи и да слуша. Како до сега така и од сега.

Впрочем тој е лика и прилика на ЗАевизмот. Дете од транзициската олигархија кој пропагандата се обидуваше лажно да ни го прикаже како студент на Хравард, а всушност курсаџија од скап курс. Ковачевски е веројатно единствен пример на човек кој докторат одбранил во Црна Гора, а цело време работел во Македонија. Сосема случајно неговиот татко во тоа време бил амбасадор во Подгорица, кога КОвачевски неверојатно докторирал.

Ете за каков човек станува збор. Ете како заевизмот сака да продаде еден пиун како голема промена. Тоа не поминува. Зeевизмот мора да биде поразен за на Македонија да и тргне, а тоа е можно со предвремени парламентарни избори, стои во партиското соопштение.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.