Димитар Ковачевски по прогласувањето на неговата победа на внатрепартиските избори за нов лидер на СДСМ на присутните сопартијци во седиштетот на партијата им се обрати со „другари и другарки“ и рече дека денеска е голем ден за демократијата во партијата и во Македонија..

Ова беше фер натпревар, противкандидатите додадоа извонредени предлози кои ќе бидат за напредок на партијата. Драги другарки и другари, вечерва СДСМ е победник. СДСМ одржа уште една лекција од демократија, рече Ковачевски.

Наследникот на Заев им се заблагодари на сите кои гласаа за него. Ковачевски изјави дека програмите на Јован Деспотовски и Фросина Ременски ќе ги збогатат реформите во партијата.

Од утре мора да ги засукаме ракавите, и да се фатиме со работа. Наша одговроност е се што се случува во партијата, но и државата. Кога СДСМ е силен и има јасна агенда државата оди напред. Ние сме столб на прогресивниот дел на државата, рече тој.

Тој му се заблагодари на Зоран Заев кој досега раководеше со партијата. Тој го пофали Заев дека го обединил СДСМ, и победил режим, но носел и храбри одлуки.

Почитувани другари и другарки, дозволете да му заблагодарам на досегашниот лидер Зоран Заев. Да му заблагодарам не само што во својот мандат оствари многу значајни победи за СДСМ, туку Зоран Заев го консолидираше СДСМ, го урна режимот на Никола Груевски и остави аманет да продолжиме да ги продолжиме и надоградуваме социјалдемократските вредности и на тој начин да ја градиме политиката во државата, рече Ковачевски.

Тој најави дека треба многу работа и посветеност за државата да биде водена уште долго по принципите на социјалдемократијата.

Ковачевски рече дека во наредниот период ќе соработува и со противкандидатите Јован Деспотовски и Фросина Ременски бидејќи соработка и обединување се основните принципи на Социјалдемократскиот Сојуз на Македонија.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.