Според однесувањето на политичкиот врв, испаѓа дека Македонија нема свој национален интерес, туку се жртвува за заштита на националните интереси на соседите и пошироко, коментира академик Катица Ќулавкова.
Ниту ја почитува референдумската волја на мнозинството Македонци, ниту се грижи за македонското малцинство во соседните и другите држави, ниту побара осуда на геноцидот над Македонците во Егејска Македонија, ниту побара извинување за окупацијата 1941-1944, ниту ги заштити своите древни топоними, ни својата историја, ни својата сувереност, ни своите бранители, ниту се пожали што Бугарија изнудува изјава за бугарско потекло и идентитет на Македонците кои бараат бугарски пасош, сето тоа во име на некакви утописки европски вредности! Сега и туѓи војски непречено можат да престојуваат на македонска територија, и на туѓи граѓани Македонија им обезбедува домови, и својата историја сама си ја фалсификува, со помош на државниот врв… Од врвот си патиме, пишува таа на Фејсбук.
Нејзиниот коментар доаѓа по последната политичка егзибиција на премиерот Зоран Заев дека ќе го брише „бугарски“ од „бугарски фашистички окупатор“ во учебниците.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.