Претседателот на движењето „Беса“ и кандидат за градоначалник на Тетово, Билал Касами денеска заедно со младинската организација на партијата се вклучи во одбележувањето на Светскиот ден на срцето.
Во соопштението од „Беса“ се наведува дека целта е да се зголеми јавната свест за ризикот од кардиоваскуларни заболувања.

– Кардиоваскуларните заболувања се едни од водечките причини за смрт на глобално ниво. Тие предизвикуваат поголем број смртни случаи отколку сите други причини заедно, а најпогодени се земјите со ниски примања и средни примања. Секоја година кардиоваскуларните заболувања се причина за 17,3 милиони случаи на прерана смрт, додека до 2030 година се очекува 23,6 милиони луѓе да умрат од овие болести, велат од „Беса“.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.