Изгаснат е пожарот над беровското село Будинарци. Пожарот стигнал до првиот пункт за вода пред да биде локализиран, како што соопшти градоначалникот на Општина Берово, Ѕвонко Пеќевски.

Акцијата успешно заврши околу 13.30 часот. Целта ни беше да го спасимe Будинарци, бидејќи пожарот беше доста близу до селото. Моментно нема опасност од негово проширување – изјави Пеќевски.

Во гаснењето на огнот учествуваа пожарникари од Словенија и од Австрија, 40 војници и хеликоптер на АРМ, како и вработени од ЕВН и од шумските стопанства.

Екипите и понатаму се на терен и ќе ја надгледуваат ситуацијата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.