Показната вежба на Специјалната антитерористичка единица „Тигар“, како круна на завршената речиси едномесечна обука што ја спроведоа експерти припадници на италијанските карабинери, е дополнителен доказ за решеноста на Министерството да истрае во својата визија за институција што навистина ќе биде непробоен бедем за сите прекршители на законите за сите закани по безбедноста на граѓаните и државата.

Заедно со нашите партнери од ЕУ, како и со користењето на низата конкретни механизми за помош и поддршка на Унијата, Министерството за внатрешни работи постојано работи на севкупното институционално зајакнување на сите организациони сегменти подеднакво имајќи на ум една иста цел: структуирајќи полиција која што ќе биде во служба на безбедноста и на сигурноста на граѓаните и на општеството – напиша министерот за внатрешни работи Оливер Спасовски на Фејсбук.

Обуката е спроведена од италијанската Специјална единица за интервенции (ГИС) за „Зајакнување на капацитетите за превенција/спречување на насилен екстремизам и борба против тероризам“, во рамки на проектот ИПА 2016 – „Јакнење на координативните капацитети за превенција и борба против насилен екстремизам и тероризам“.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.