Портпаролот на ВМРО-ДПМНЕ Димче Арсовски вечерва во „Што не е јасно“ во Алфа телевизија истакна дека попусти се оправдувањата на Петре Шилегов за случајот со набавката на пожарникарска опрема, како и дека Заев на истиот начин велеше дека не е виновен Рашковски како сега Шилегов, но дека случајот мириса на криминал, па по него треба да постапи ЈО.


Вчера цел ден Петре Шилегов се занимава со правдање и со објаснување во врска со случајот за набавката на пожарникарската опрема, да не се прават глупави споредби и оправдувања каква била опремата затоа што и криминал од 20 илјади евра и од 2 милиони евра е криминал,а разликата е само во годините колку ќе одлежи оној којшто го правел.

Оваа набавка мириса на криминал, истиот е евидентен, каде за дупло повеќе е поскапа цената на набавката и она кое е посериозно е постоечкиот судир на интереси, појасни Арсовски.


Тој вели дека во време кога ВМРО-ДПМНЕ го администрирала Град Скопје, набавила над 25 возила за 4 милиони евра, така да за овој случај се гледа дека е недомаќинско работење и криминално.


Арсовски исто така смета дека денешната иницијатива на Шилегов да ја повика Антикорупциската комисија да го истражи случајот е договорено однапред, затоа што на власта и се „под нозе“ сите институции.


Ова е еклатантен пример на криминал за кој случај треба да се занимава Јавното обвинителство. И Заев за Рашковски исто како Шилегов се правдаше дека не е виновен па заврши во притвор, така да еден ден кога ќе не можат повеќе да се штитат ова нема да остане така, смета Арсовски.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.