–  Вкупниот број на хоспитализирани пациенти на Инфективното одделение и одделението за физикална медицина при велешката Општа болница изнесува 64. Одделението за физикална медицина кое е засебен објект од велешката Општа болница е преадаптирано и почна да прима пациенти со Ковид -19 од изминатиот викенд и таму веќе се сместени десет пациенти.

 Како што информира портпаролот д-р Весна Неделковска Николова,  од  вкупно 64 пациенти на двете одделенија, осум од нив се сомнителни и 56 потврдени позитивни.

Таа информира дека расте и бројот на пациенти на кислородна подршка. Така вчера беа 18, а денеска   на кислородна поддршка се 20 пациенти, што е најмногу досега.
Инаку на Интерно одделение при велешката Општа болница сместени се  четворица пациенти сомнителни на Ковид, кои чекаат резултати од направен тест


Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.