Обвинетите за убиството кај Смиљковското Езеро на Велики петок 2012 година добија доживотна казна затвор, а Македонија доби потврда дека на чело на државата стојат монструми, кои ја злоупотребиле болката на родителите на убиените деца, но и болката на обвинетите.
И едните и другите очекуваа правда – а и едните и другите ги излажаа Зоран Заев и Стево Пендаровски.
Денешната пресуда е само уште еден доказ дека случајот „Монструм“ беше свесно злоупотребен, дека Заев свесно ја злоупотребил болката на родителите на убиените момчиња кај Смилковско, дека намерно манипулирал со јавноста за да шири меѓуверска омраза и гнев – во случајов потпалувајќи ги Албанците, и дека смислено пласирал лажни вести за политички нарачатели.
Уште во текот на постапката и самите родители на убиените момчиња порачаа дека поради неговите лаги Зоран Заев е поголем монструм од убијците.
Во завршниот збор за случајот „Монструм“ за масакрот кај Смилковско Езеро, обвинителката Фатиме Фетаи потенцираше дека прислушуваните разговори, поради кои СЈО ја доби надлежноста врз случајот и тој беше вратен на почеток, не открија нова или поинаква вистина за петкратното убиство.
Таа потенцираше и дека и покрај тоа што премиерот Зоран Заев, кој од позиција на лидер на тогашната најголема опозициска партија, јавно зборуваше дека прислушуваните разговори ќе ја откријат вистината за „Монструм“, се отфрлија сомнежите дека постои друга вистина, на која, на еден начин, беше навлечена јавноста.
Ниту прислушуваните материјали, ниту неговото сведочење, не ја сменија вистината во „Монструм“, истакна Фетаи, отфрлајќи ја внмешаноста на Трајо Вељановски во случајот.
По завршните зборови роднините на обвинетите излегоа на протест. Тие сведочат за ветувања што ги добивале и од преседателот Стево Пендаровски. И Пендаровски како и Заев навестувал дека се работи за етнички мотивиран случај во кој невино во затвор лежат Албанци.
Претседателот Стево Пендаровски уште дел од протестите на Шарена револуција, на роднините на осудените убијци од „Монструм“ им рекол дека ако се дознаела вистината за случајот, можно е да настанала војна, открива Бедри Ајдари, роднина на еден на осудените.
За време на протестите на шарена револуција во 2016 година пред Собранието се сретнавме со Стево Пендаровски, сегашен претседател, тогашен пратеник. Го прашавме што се случува со „бомбите“ за „Монструм“. Пендаровски ни рече цитирам: „На еден состанок присуствуваше еден Американец кој ми рече дека за „Монструм“ ќе се поттикне војна, со тоа што ќе разберат луѓето кои се вистинските убијци и кои се нарачателите и виновниците. Тогаш сите заедно, и Македонци и Албанци ќе отидат пред влада и ќе има крвопролевање, затоа што ќе сакаат Груевски да го фатат за гуша и да го прашаат зошто го нарача овој монструозен чин, кој ќе доведе до војна“. Ова му го кажувам јавно на Пендаровски тука во ова студио, а можам да го кажам и било каде, рече Ајдари.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.