Груби го пречека Абазовиќ на „братска средба“ со ќече

Првиот вицепремиер Артан Груби на гостинот од Црна Гора Дритан Абазовиќ му подари ќече, „традиционален сувенир“ од земјата во чијашто посета е – Македонија.

Белата капа што традиционално ја носат Албанците ќе го краси кабинетот на црногорскиот министер за надворешни работи како сеќавање на средбата со македонскиот државен врв и собрата соработка меѓу двете земји.

Фотографијата од дарувањето Груби ја сподели на Фејсбук:

Братска средба со Дритан. Нашите две земји се на добар пат и соработката меѓу нас нема да изостане. Добри времиња за нашиот регион се пред нас, напиша Груби.

Со ќече, исто така, си замина од Македонија и евроамбасадорот Самуел Жбогар.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.