Вака ги водев протестите во Кочани, тогаш им бев арен, тогаш ветуваа правда и правна држава, вели поранешниот активист на Шарената револуција Благојчо Ѓоргиев, споделувајќи ја уште еднаш фотографијата на која е на чело на протестите за правда.

На паролата позади мене пишува:
– СЕЛЕКТИВНАТА ПРАВДА, НЕ Е ПРАВДА – уствари они само барале да дојдат на власт и да не пуштат низ вода тие што Искрено, Чесно, и Храбро се боревме да го срушиме режимот на Никола Груевски, за да сега они направат уште поголем режим ама на пософистициран начин, во времето на Никола Груевски пишуваа се и свашта за него, но никој не отиде во затвор за напишан статус, сега се осудуваат луѓе со затворски казни за напишан статус на фб, сега тужби стегаат на тие што ја објавуваат ВИСТИНАТА!!!, пишува Ѓоргиев.

Народе мој, додава, простете ми што преку мене беа изманипулирани многу од вас, простете ми затоа што јас верував дека ке има правда и правна држава и за тоа се борев, и сè уште се борам и ќе се борам.

Јас не се Борев за некој да го Менува името на државата, јас не се борев за да некој носи пари во ЛУИ ВИТОН ташни, јас не се борев за да се нарачуваат палења на коли на граѓани неистомисленици, јас се борев и ќе се борам, за правда, правна држава и еднаквост кон сите, неможе државата за некој да биде Мајка а за многумина Маќеа!!!, пишува Ѓоргиев во минатогодишниот статус на кој повторно потсетува и денеска.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.