Ѓоргиев: Како да препорачаме заедничко чествување кога не ни го признаваат македонскиот јазик и нација?

Македонскиот историчар, Драги Ѓоргиев, кој е претседателот на Заедничката историска комисија помеѓу Македонија и Бугарија, во интервју за бугарски „БТВ“ вели дека не можете постојано да ја обвинувате другата страна и да заземате став дека вие сте тие што ја кажувате вистината, дека вашиот пристап кон работата е вистинскиот, а да очекувате другата страна да прифати и да не реагира на тоа.

Видете, ако ние треба да изградиме заеднички став во комисијата за тоа, на пример, дека треба заеднички да го чествуваме Гоце Делчев, а притоа државата со која треба заеднички да го чествуваме Гоце Делчев не го признава македонскиот јазик, тврди дека ние сме нација од 44 година, Титова? Како може ние една таква препорака да дадеме до нашата Влада? Како можеме да дадеме таква препорака за држава која не нè признава онака како што сметаме ние дека како нација постоиме? И на кој начин таа јавност овде ќе ја прифати таа препорака? – вели Ѓоргиев.

На прашањето дали има докази дека Самуиловото царство не е наследник на Првото бугарско царство, тој му одговара на новинарот дека не би сакал да навлегува во материјална расправа и толкување на изборите од средниот век, меѓутоа во книгите и студиите што се напишани во тој период постојат размислување дека таа држава може да се толкува и како држава која е различна од бугарската држава.

За професорот, Ангел Димитров, кој е копретседател на Комисијата од бугарска страна, Ѓоргиев вели дека бил револтиран од неговиот однос.

Ние уште бевме во Министерството, не бевме излезени од зградата по средбата, тој веќе даваше изјава со таа негова позната обвинувачка реторика кон нашата страна. Досега не сме имале таква реакција од која било страна дека ние зборуваме невистина и шириме некакви лажни вести во нашата јавноста – вели Ѓоргиев.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.