Граѓаните се жалат на две крупни работи, лошото здравство и лошата економија. Филипче е лошото здравство, а Лукаревска лошата економија. Изборот на овие двајца кадри Заев ја дозакопува султан партијата. Лукаревска донесе 60.000 невработени, и затвори 6.200 фирми, а Филипче над 5200 мртви – коментираат од ВМРО-ДПМНЕ по денешните одлуки на Конгресот на СДСМ.

Според нив Лукаревска ги штитела фирмите на Заев, кои биле редовно во врвот на листата неплаќачи на ДДВ, а Филипче бркал провизии.

Велеа ќе правеле метла, а завршија со буниште криминал денес. Најавуваат промена на менталната слика, а таа ментална слика е до Заев. Тој треба да се промени. Спасовски кој даде пасоши на 214 наркбосови, терористи и разни белосветски криминалци не е и не може да биде ново лице. Тој првин треба да се соочи со одговорност за целиот криминал. Љупчо Николовски кој наместо криминал брка путер и во сред пандемија отиде за Дубаи и го остави народот не е иднината.
Не се нови кадри ниту децата на транзиционите моќници. Нина Фити, ќерка на Таки Фити, кој ја смисли приватизацијата и транзицијата. Лоши политики ќе продолжат и со Мила Царовска која насила турка проект за дигитализација, и Зоран Китанов од Струмица кого Заев го става на функции уште од времето кога беше градоначалник. СДСМ избра стари кадри, кадри со врски со минатото, кадри кои ја испеаја својата песна и нема што ново да понудат – додаваат од ВМРО-ДПМНЕ.

За кадрите коишто влегоа во новото раководство на партијата, претседателот на СДСМ вели дека биле предлози коишто дошле од базата, а се ценела и нивната стручност.

Заев посочи и дека ликовите коишто се избрани за такви функции во партијата веќе го потврдиле нивниот статус кај граѓаните, а исто така можат и да придонесат во органите на самата партија.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.