Во изминатите 24 часа во Тиквешијата има еден починат и 52 нови позитивни на Ковид-19.

Како што информираат од Центарот за јавно здравје, во Кавадарци има 25 нови случаи, во Неготино 23, а по двајца нови ковид позитивни има во Росоман и Демир Капија.

Новите позитивни се на возраст од 17 до 72 години. Има еден хоспитализиран пациент од Кавадарци и тројца од Неготино – информира епидемиолог, д-р Ристе Јовановски.

Заклучно со вчера, во Кавадарци активни се 339 ковид случаи, а од почетокот на пандемијата се дијагностицирани 752 позитивни.

Во Неготино активни се 166 случаи, а дијагностицирани вкупно 261.

Починат е 77 годишен пациент кој се лекуваше на ковид одделението во нашата болница. Во моментов се хоспитализирани 47 пациенти со средно-тешка клиничка слика и има слободни уште 13 болнички кревети – информира директорот на кавадаречката болница – д-р Диме Коцев.

Во текот на вчерашниот ден беше направено уште едно проширување на ковид одделот за 10 болнички кревети, со што сега во болницата има место за вкупно 60 ковид позитивни пациенти



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.