Ако се суди според првите часови од осуммесечниот мандат во Штип на Сашко Николов, индикаторите покажуваат дека ќе биде вистинско фијаско!, порача денеска портпаролот на ВМРО-ДПМНЕ Наум Стоилковски.

СДСМ во време на корона организираше избори на кои што сама учествуваше и едвај сама победи, гласаа луѓе кои што се со забрана за движење, потоа организираше групна прослава во центарот на Штип, а функционерите правеа банкет во ресторан во време по забраната за работа!
Истовремено за сите останати важат забрани и казни за групирање, за сите други важат казни за неносење маски, за сите други важат забрани и казни за прослави, за сите други важат забрани и казни за работа на локали по 21 часот!, порача Стоилковски.

Тој објави неколку фотографии од синоќешното славје:

Ова се фотографиите споделени од штабот на СДСМ во Штип доцна синоќа, ова е фотографијата пред штабот на СДСМ, синоќа по 20 часот. Ова е фотографија споделена на социјалните мрежи, внатре од штабот на СДСМ. А, ова е фотографија од кафеана, од локал кој што работел за прославата на СДСМ по 21 часот! Ова се докази за нехуманост, самоволие и деспотското надзаконско делување на СДСМ!, порача Стоилковски.


И секако, пред овој објект ја нема Мери Проја Продановска да крева паника, нема специјални полициски одреди да упаднат во кафеаната и да казнуваат да бараат снимки, ја нема хистеријата на СДСМ! Ама ги има Костадинов и Николов во страствен занес!
Е па докторе Сашко Николов, за секоја нова жртва од корона од Штип во следните денови, погледни ги овие фотографии!, порача Стоилковски.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.