Македонскиот народ се собра за да ги одбрани националните интереси кои што Заев и Владата ги распродаваат- вака Бети Стаменковска Трајковска од ВМРО-ДПМНЕ се обрати на граѓаните на протестот пред Министерство за правда во организација на ВМРО-ДПМНЕ под мото „Оставка на Заев, слобода на народот“, притоа заблагодарувајќи им се што е дошле и покрај специфичната ситуација со пандемијата.

„Дојде еден човек кој се што нашите предци твореле да уништи. Дојде еден нечовек, дојде еден немакедонец, дојде Заев кој сака сé да уништи. Нема да дозволиме Заев да ни ја менува историјата во учебниците. Наша е таа историја, не е негова да си прави што сака. Оваа историја ја создадоа нашите предци, ние ја создаваме заедно, а не некој Заев или пак некои лица од Бугарија да ни ја раскажуваат како што ним им се допаѓа“, истакна Стаменковска Трајковска.

Стаменковска Трајковска нагласи дека имаме богата земја со историја, таа земја треба да се негува и чува. Но за жал дојде еден човек кој што сака се да уништи она што генерации и генерации граделе и се бореле.

„Ние денес овде градиме историја и нашите деца нека раскажуваат за тоа како сме се бореле да си го зачуваме македонското богатство“, рече Стаменковска Трајковска.

Стаменковска Трајковска посочи дека македонскиот народ нема да дозволи некој Заев да уништува она што го граделе нашите предци. Зар поради Заев нема наставниците да ги учат децата на вистинската македонска историја, тоа не треба да дозволиме, затоа ние сме генерација која што ќе се спротивставиме на Заев и ќе кажеме НЕ. Нема да дозволиме да останеме без јазик, историја и идентитет.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.