Илија Димовски реагира на објавата на претседателот Стево Пендаровски, дека ја одбил понудата Македонија да стане членка на Европската економска зона.

Димовски истакнува со одбивањето на нашето членство во ЕЕЗ, пропуштена е шанса за граѓаните да добијат тоа што очекуваат, без никој да не уценува, да ни ја менува историјата и да не прекрстува? Тој додава дека со таквата одлука, Пендаровски ги загрозил економските, социјалните, образовните, бизнис и развојни потреби и интереси.

Дополнително, Димовски реагира дека таа одлука Пендаровски ја донел без да го информира највиоскиот државен орган, Собранието, кое е единствено што може да носи одлуки од ваков тип и никој друг!

Господине Претседател Пендаровски,
утринава бев првиот кој реагираше на Вашата изјава од вчера.
Многу колеги, пријатели и новинари ми се јавија со неверување дека сте изјавиле нешто такво вчера, а уште повеќе дека сте направиле таква постапка.
Луѓето мислеа дека сте направиле лапсус.
За жал, со вашиот денешен статус, го потврдивте мојот сомнеж.
Претседателе Пендаровски, сте направиле катастрофа!
Ова е стратешка грешка!
Каков е тој „државен став“ за кој не е и не бил информиран највисокиот државен орган Собранието на Република Македонија.
Лидерска средба не е средба на која се носат одлуки! Не постои во Устав како институт!
Одлуки од ваков тип носи само Собранието на Република Македонија!
Никој друг!
Информирањето на Собранието се спроведува по официјален тек и ред, писмено, до Претседателот на Собранието, па тој до сите пратеници. Доколку материјалот имал некаква назнака за тајност, материјалот ќе го добиле само пратениците кои имавме сертификат за тајност.
Два месеци после вашата лидерска средба, на која сте изградиле „државен став“ (а сте немале право) Вие Претседателе имавте обраќање пред Собранието. Требаше тогаш да не информирате. Не кажавте ни збор.
Јас бев пратеник, никој мене не ми кажал ваква информација, ни официјално, ниту неофицијално. А вие, заедно со Претседателот на Собранието и на Владата, и министрите за надворешни работи и европски прашања, сте имале формална обврска.
Сте одземале уставна надлежност од Собранието за одлучување. А не сте смееле! Ниту вие, ниту било кој друг.
Како терате членство во Мал Шенген, како алтернативна асоцијација, а за ЕЕЗ сте биле против?
Како сте можеле да мислите дека економската интеграција ќе ја загрози политичката? Тоа нема логика.
Не помисливте ли дека граѓаните ќе добијат тоа што очекуваат, без никој да не уценува, да ни ја менува историјата и да не прекрстува?
И најбитно, со таа ваша одлука, сте ги загрозиле економските, социјалните, образовните, бизнис и развојни потреби и интереси.
Ова е катастрофа!
На Македонија и треба ум и сила – реагира Димовски.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.