Димовски: Обновата на Македонија ќе почне на 13 април

Денеска во берово, членот на ИК на ВМРО-ДПМНЕ, Димитар Димовски истакна дека „во Берово се дојдени со цел да ја продолжат кампањата Обнова на Македонија.“

Во оваа кампања главна цел ни е да ги слушнеме проблемите на граѓаните секаде каде што присуствуваме, затоа денеска сме и тука за да ги слушнеме проблемите на граѓаните на Берово.

Воедно да ги слушнеме и нивните идеи, воедно и идеите кои што ќе ги дадат граѓаните во иднина да ги преточиме во програма со која што програма ќе настапиме на предвремените парламентарни избори на 12-ти април следната година. За генералните проблеми сите сте свесни, свесни сте колку неспособниот радикализам на Зоран Заев ни го уништува секојдневието, ни го прави животот мачен и тежок, едноставно невозможен, рече Димовски.

Свесни се дека и Берово и сите останати населени места се празни.

Свесни сте дека Берово и сите останати населени места во Република Македонија се празни, за жал празнењето веќе не е од економски причини, празнењето е поради тоа што младите па и возрасните луѓе немаат сигурност, никаква стабилност во Република Македонија и сето тоа поради власта која што ја предводи државата. Не гледаат иднина, не гледаат перспектива и затоа ја напуштаат нашата држава и заминуваат во странство, за да најдат каква таква сигурност и безбедност за нив и за нивните семејства, истакна Димовски.

На предвремените парламентарни избориќе биде неизбежна промена.

На 12-ти април не очекуваат предвремени парламентарни избори на кои секако неизбежна ќе биде промена, избори на кои ВМРО-ДПМНЕ ќе победи и ќе формира влада која што ќе ја предводи државата во иднина. Главна цел на новата влада предводена од ВМРО-ДПМНЕ ќе биде уште од 13-ти април да започне со обновата на Македонија, да ја зачуваме Република Македонија, да го вратиме нејзиното достоинство, да ги вратиме интегритетот и суверенитетот на државата кои што оваа власт ги уништи, вети Димовски.

Тој се заблагодари за идеите кои дојдоа од граѓаните до нив.

Ви благодарам Ви благодарам што се собравте во толкав број, ви благодарам за сите идеи кои што ги дадовте, гледаме дека има идеи. Да знаете дека сите идеи кои што ги дадовте денеска и сите проблеми кои што ги изложивте ќе бидат сериозно земени во предвид и се што можеме да внесеме во новата програма, ќе биде внесено во програмата. За крај само ќе напоменам дека на нечесноста, на неморалот, на Луј Витон ташните, на полињата со марихуана и занимавањето со дрога на функционерите на власт, мора да им ставиме крај. Мора да ставиме крај и на владеењето на стравот, крајно време е народот да се ослободи од овие стеги, време е народот да си ги добие своите права, да го добие сето она што го заслужува и да го гледа својот просперитет и перспектива во Република Македонија, го заврши обраќањто  Димитар Димовски, Член на ИК на ВМРО-ДПМНЕ.