Марица Тодоровска, кандидат за советник во Советот на општина Битола, на прес-конференција денеска праша дали кандидатот за градоначалник на Битола Христо Кондовски е кривично осуден за нанесување тешки телесни повреди.

Менаџерот за живот на рати Христо Кондовски има многу лица, по едно за секоја прилика, ама сите само за негова корист. Дали во 2009 за влакно избегна да отслужи затворска казна за тепачка? Дали човек кој физички се тепа по улици и нанесува тешки повреди на други луѓе може да е вистински хуманист или само евтин промотор за лична корист, праша Тодоровска.

Таа посочи дека вистинското лица на Христо Кондовски не може да се препокрие ниту со милијарда билборди и плакати низ градот.

Кога тој оди кај земјоделците им ги зема сите пари а им ги враќа на рати. Кога оди кај старите и изнемоштени лица оди да се слика со нив иако е строго забрането да ги злоупотребува во изборни кампањи. Кога се фали колку е успешен не кажува дали е точно дека бизнис партнерите не му веруваат. Дали е точно дека не ја откупија неговата обврзница, а наголемо се зборува дека главните негови финансиери сакаат да се повлечат од партнерството, оти Христо немал пари да ги исплати, па се втурнал во политика надевајќи се дека од општинската каса ќе заработи доволно за да ги врати процентите кои им ги должи на своето бизнис-политичкото друштво.Христо Кондовски е насилник, насилник со луѓето, насилник во бизнисот, насилник со старите и изнемоштени, тој е се само не хуманист и човек кој сака да работи за доброто на сите. Тој работи и ќе продолжи да работи само за личен профит и за процентите што им ги должи кон другарите од Струмица, рече Тодоровска.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.